[26] อกุสลํ มิจฺฉตฺตนิยตํ ธมฺมํ ปฏิจฺจ นอกุสโล นมิจฺฉตฺตนิยโต ธมฺโม อุปฺปชฺชติ เหตุปจฺจยา… เหตุยา ตีณิฯ

กุสลํ สมฺมตฺตนิยตํ ธมฺมํ ปฏิจฺจ นกุสโล นสมฺมตฺตนิยโต ธมฺโม อุปฺปชฺชติ เหตุปจฺจยา… เหตุยา ตีณิฯ

อพฺยากตํ อนิยตํ ธมฺมํ ปจฺจยา นอพฺยากโต นอนิยโต ธมฺโม อุปฺปชฺชติ เหตุปจฺจยา… เหตุยา ปญฺจฯ

1-15. กุสลตฺติก-มคฺคารมฺมณตฺติกํ

[27] กุสลํ มคฺคารมฺมณํ ธมฺมํ ปฏิจฺจ นกุสโล นมคฺคารมฺมโณ ธมฺโม อุปฺปชฺชติ เหตุปจฺจยา… เหตุยา ฉฯ

กุสลํ มคฺคเหตุกํ ธมฺมํ ปฏิจฺจ นกุสโล นมคฺคเหตุโก ธมฺโม อุปฺปชฺชติ เหตุปจฺจยา… เหตุยา ตีณิฯ

กุสลํ มคฺคาธิปติํ ธมฺมํ ปฏิจฺจ นกุสโล นมคฺคาธิปติ ธมฺโม อุปฺปชฺชติ เหตุปจฺจยา… เหตุยา ฉฯ

1-16. กุสลตฺติก-อุปฺปนฺนตฺติกํ

[28] กุสโล อนุปฺปนฺโน ธมฺโม นกุสลสฺส นอนุปฺปนฺนสฺส ธมฺมสฺส อารมฺมณปจฺจเยน ปจฺจโย… อารมฺมเณ อฏฺฐารสฯ (อุปฺปาที อนุปฺปนฺนสทิสํฯ)

1-17. กุสลตฺติก-อตีตตฺติกํ

[29] กุสโล อตีโต ธมฺโม นกุสลสฺส นอตีตสฺส ธมฺมสฺส อารมฺมณปจฺจเยน ปจฺจโยฯ

อารมฺมเณ อฏฺฐารสฯ (อนาคตํ อตีตสทิสํฯ)

1-18. กุสลตฺติก-อตีตารมฺมณตฺติกํ

[30] กุสลํ อตีตารมฺมณํ ธมฺมํ ปฏิจฺจ นกุสโล นอตีตารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

กุสลํ อนาคตารมฺมณํ ธมฺมํ ปฏิจฺจ นกุสโล นอนาคตารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

กุสลํ ปจฺจุปฺปนฺนารมฺมณํ ธมฺมํ ปฏิจฺจ นกุสโล นปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

1-19-20. กุสลตฺติก-อชฺฌตฺตตฺติกทฺวยํ

[31] กุสโล อชฺฌตฺโต ธมฺโม นอชฺฌตฺตสฺส นกุสลสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)… อารมฺมเณ อฏฺฐารสฯ

กุสโล พหิทฺธา ธมฺโม นพหิทฺธา นกุสลสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)… อารมฺมเณ อฏฺฐารสฯ

[32] กุสลํ อชฺฌตฺตารมฺมณํ ธมฺมํ ปฏิจฺจ นกุสโล นอชฺฌตฺตารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

กุสลํ พหิทฺธารมฺมณํ ธมฺมํ ปฏิจฺจ นกุสโล นพหิทฺธารมฺมโณ ธมฺโม อุปฺปชฺชติ เหตุปจฺจยา… เหตุยา นวฯ

1-21. กุสลตฺติก-สนิทสฺสนตฺติกํ

[33] อพฺยากโต สนิทสฺสนสปฺปฏิโฆ ธมฺโม นอพฺยากตสฺส นสนิทสฺสนสปฺปฏิฆสฺส ธมฺมสฺส อารมฺมณปจฺจเยน ปจฺจโย… อารมฺมเณ ฉฯ (ตีณิ เวทิตกํ กาตพฺพํฯ)

[34] อพฺยากตํ อนิทสฺสนสปฺปฏิฆํ ธมฺมํ ปฏิจฺจ กุสโล นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ อพฺยากตํ อนิทสฺสนสปฺปฏิฆํ ธมฺมํ ปฏิจฺจ นอกุสโล นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ อพฺยากตํ อนิทสฺสนสปฺปฏิฆํ ธมฺมํ ปฏิจฺจ นกุสโล นอนิทสฺสนสปฺปฏิโฆ จ นอกุสโล นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ เหตุยา ตีณิฯ

[35] กุสลํ อนิทสฺสนอปฺปฏิฆํ ธมฺมํ ปฏิจฺจ นกุสโล นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ